CAUAYAN CITY – NAREKOBER NG MGA AWTORIDAD ANG BANGKAY NG ISANG LALAKI NA NATABUNAN NG LANDSLIDE SA BARANGAY MAASIN, QUEZON, NUEVA VIZCAYA NITONG MARTES, NOVEMBER 11, 2025.
BATAY SA ULAT NG PULISYA, ANG LABI AY NATAGPUAN NG MISMONG AMA NG BIKTIMA MATAPOS NITONG HANAPIN ANG ANAK NA HINDI NA NAKAUWI MULA SA BUNDOK BAGO ANG PANANALASA NG BAGYONG UWAN.
AYON SA AMA, NAGPAALAM UMANO ANG KANYANG ANAK NA AAYUSIN ANG MGA GAMIT SA KANYANG KUBO NGUNIT HINDI NA ITO NAKABALIK.
MATAPOS ANG ILANG ARAW NA PAGHAHANAP, NAGTUNGO ANG MATANDA SA LUGAR NA MAHIGIT LIMANG KILOMETRO ANG LAYO MULA SA SENTRO NG BARANGAY.
DOON NIYA NADISKUBRE ANG KUBO NG ANAK NA NATABUNAN NG LUPA AT AGAD HUMINGI NG TULONG SA MGA OPISYAL NG BARANGAY AT SA PULISYA.
SA PAUNANG PAGSUSURI NG MGA AWTORIDAD, PINANINIWALAANG NATABUNAN ANG BIKTIMA SA KASAGSAGAN NG BAGYO DAHIL MALAPIT NG MABULOK ANG KANYANG LABI NANG ITO AY MATAGPUAN.
SA PINAKAHULING TALA, UMAKYAT NA SA APAT ANG BILANG NG MGA NASAWI SA NUEVA VIZCAYA DAHIL SA MGA PAGGUHO NG LUPA BUNSOD NG BAGYONG UWAN.
KABILANG SA MGA ITO ANG TATLONG BATANG BIKTIMA, ANG KAMBAL MULA KAYAPA AT ISANG 10-TAONG-GULANG NA BATA MULA KASIBU, NUEVA VIZCAYA.
