Hustisya ang ginapanawagan sang pamilya ni Genesis “ Tisoy” Argoncillo matapos nga nag-abot ang iya bangkay sini pasado alas 5 kaina sang kaagahon sa Iloilo.
Ginsugat ang bangkay ni Tisoy sang iya pamilya gikan pa sa Brgy. Bagongon, Concepcion, Iloilo nga padayon nga naga-singgitan sang hustisya bilang isa sa pinaka-una nga nabiktima sang Anti- Tambay Campaign sang administrasyon.
Madumduman nga gin pick-up sang mga police nga na- assign sa Quezon City Police Station 4 matapos nga nag-gwa sa ila balay kag nagpa load sa tianggi sang Hunyo 15 sa diin man ini na preso.
Hunyo 20 na sang nahibaluan sang pamilya nga yara na sa hospital si Tisoy kag patay na bangud sa mga patal nga pilas sa iya lawas tuga sa pagpangkastigo.
Duha ka mga, preso ang ginkasohan sang kapulisan matapos naggwa ang resulta sang autopsy sa bangkay sang biktima nga baliskad naman sa una ginpahayag sang mga otoridad nga napatay si Argoncillo matapos nga nadulaan sang ginhawa sa sulod sang presohan.
