Ginapatihan nga bangkay ni Mikelangelo Claveria nga taga-banwa sang Cabatuan, Iloilo ang nasapwan sa septic tank sa South Korea malapit sa pabrika nga iya gina-obrahan.
nahibaluan nga ginreport nga nadula si Claveria sang 2016 matapos magtrabaho ini sa South Korea sang Agosto 2014.
Subong man, wala gid ini makita sa sulod sang duha ka tuig kag sining karon lamang nasapwan sa septic tank.
Nagapati ang mga otoridad sa South Korea nga ang nasapwan nga bangkay amo ang pinoy nga nadula duha ka tuig na ang nakaligad.
Angut sini, padayon nga gina-imbestigahan sang mga otoridad sa South Korea ang nasambit nga kaso kon sa diin tatlo ka mga suspek ang ginatudlo naghimo sang krimen.
Luyag man makig-angut sang South Korean authorities sa pamilya sang biktima diri sa Pilipinas agud makuhaan sang genes para sa nagakaigo nga identification.
