Lambunao, Iloilo- Nagahapa sa tubig kag wala na sang kabuhi sang nasapwan ang isa ka lalaki sa barangay Tampucao, Lambunao, Iloilo, Miyerkules sang aga, Disyembre 27.
Ini ang ginkilala kay Philip del Rosario, ginabanta 40 anyos ang edad kag residente sang Naluok, Kalibo, Aklan.
Ginpahayag ni Chief Inspector Jogen Suegay sang Lambunao PNP nga wala sang indikasyon nga may pilas sang pagbuno ukon luthang ang lawas sang biktima.
Sa inisyal nga imbestigasyon suno kay Suegay, posible nalumos ang biktima nga may nervous breakdown.
Nahibaluan nga halin sa Aklan, nagkadto ini sa Iloilo agud magpabulong kuntani sa surwano.
Ipaidalom naman sa autopsy ang bangkay sang biktima agud mahibaluan kon may foul play sa iya kamatayon.
(photo from web)
