Ginkumfirmar ni PCI Reymond Celoso, Hepe sang Btac. Nuevo PNP nga may nasapwan nga bangkay sang lalaki nga nakahal-id sa pader sang sementeryo sa nasambit nga banwa.
Sandig sa ila imbestigasyon, las 4 kaina gid lang sang hapon sang nabaton nila ang impormasyon nga may bangkay sang lalaki sa semeneteryo base man sa panaysayon sang isa ka- barangay tanod sang Brgy. Tabucan, Btac. NUevo.
Sa ila pagpangusisa, samtang nagalawig sang kanding ang tanod malapit sa sementeryo, ginsiling sini nga may napanimahuian siya nga tuman ka baho nga daw kaangay sang patay nga sapat.
Sang gintultol sini ang baho, nakit-an na gid lang sang tanod nga may nagalabaw nga siko kag iya ginkumfirmar nga isa ka-bangkay sang lalaki kag ara na sa advanced state of decomposition.
Suno sa paglaragway, nakasuksok sang duag blue nga bayo ang lalaki kag naka-itom nga boxer shorts.
Samtang, may ara na karon sang identity ang kapulisan sang bangkay apang ila pa karon ini gina-validate.
