Bangkay sang lalaki nga may igo sang bala, nasapwan sa Barangay Minoyan, Murcia

Bangkay sang isa ka lalaki ang nasapwan sa banwa sang Murcia.

Pasado alas-8 kahapon sang aga sang nakibot ang manug harvest sang bulak sa Barangay Minoyan, Murcia sang iya makita ang bangkay sang isa ka lalaki nga natakluban naman sa paklang sang saging.

Ang biktima ang na-identify nga si April Italia (male), 22 anyus, residente sang Purok Nalipga, sang amo man nga barangay.


Si Italia ang may pilas sa dughan tuga sang pag-tiro sa diin naputos ini sa paklang sang saging sang nasapwan sang manugbulak.

Suno sa mga residente sa lugar nga possible nga gin-bilin lang sa amo nga area ang biktima bangud nga wala naman sang dugo kag wala man sang sign of struggle kon sa diin ini nakit-an.

Facebook Comments