Pontevedra, Capiz – Wala pa mahingagaw nga ma-file subong nga adlaw ang kaso nga double murder kontra sa suspek nga si Restituto Oquendo Jr. alias ‘Sultan Oquendo’ nga amo ang responsable sa pagluthang-patay sa mag-asawa nga sanday Nolie kag Juara Navarro sa Barangay Hipona, Pontevedra, Capiz.
Suno kay Police Major Christopher Candelario, hepe sang Pontevedra MPS nga ginahulat pa nila sa ang iban nga mga affidavit sang mga witness kag death certificate sang mga biktima.
Subong nga adlaw, gintalana ang pag-otopsiya sa bangkay sang mga biktima.
Suno kay Candelario ang autopsy result ang kinahanglanon para sa pagpasaka sang kaso sa suspek.
Nahibaluan nga tubtob sa subong wala gihapon madakpan sang mga otoridad ang suspek nga si Sultan Oquendo.
