Report ni: Jennifer Palomo Debaja
Nakaskedyul subong nga adlaw sang Huwebes ang pag abot sang bangkay ni Constancia Lago Dayag ang Pinay household service worker nga ginapatihan ginkastigo sang amo kag ginbawian sang kabuhi matapos gindala sa Al Sabah Hospital sa Kuwait sang nagligad nga Mayo 14, 2019.
Sa pahayag ni Sec. Bello III, gintinguhaan gid sang embassy officials nga hingyuon sa Ministry of Foreign affairs nga mapauli ang bangkay ni Dayag sa Pilipinas.
Apisar nag gwa sa inisyal nga forensic result nga ginrelease sang Forensic Department sang Kuwait nga wala sang foul play kag stroke ang kabangdanan sang kamatayon ni Dayag, wala nakumbinsi ang gobyerno sang Pilipinas.
Nagpahayag si Sec. Bello III nga nagfile na ang embahada sang Pilipinas sang criminal case batok sa Kuwait angut sa kamatayon ni Dayag.
Base sa initial report kag mga impormasyon nga nabaton sang Department of Labor and Employment (DOLE), may mga lagub ang kalawasan ni Dayag kag may indikasyon nga ginhimuslan pa ang biktima. Ginahulat pa sang Embahada ang final forensic report.
Mismo nga si Charge d’ affaires sa Kuwait Noordin Pendosina Lomondot ang magaupod sa bangkay ni Dayag sa Pilipinas kon sa diin nagahulat na ang iya pamilya kg mga himata.
Suno kay Lomondot, nagrequest na sa NBI sang second autopsy sa bangkay ang immediate relative sang pinay agud matul-id kon bala may foul play o wala sa kamatayon sini.
