Report ni: Tita Jen Palomo Debaja
Ginkumpirmar sang opisyal sa konsulado sa Hong Kong nga pagadal on na sa Antique sa Agosto 27 ang bangkay sang 32 anyos nga OFW nga gin alegar nasapwan nga ginbitay ang kaugalingon gamit ang cable cord sa CR sang ginaubrahan nga balay sang Agosto 1.
Naka skedyul man ang public viewing sang iya bangkay sa Agosto 26, Domingo nga adlaw sa Chapel sang North District Hospital sa Sheung Shui, alas 12:00 sang udto tubtob alas 3:00 sang hapon. Ginapangabay ang magakadto nga pamilya kag kaabyanan nga magsuksok sang puti nga bayo.
Suno kay Ms.Lorna Obedoza, welfare officer sang Philippine Overseas Labor Office, gin shoulder man sang employer sang biktima ang tanan nga gasto sa pag repatriate sang bangkay lakip na ang long service sini sa sulod sang pito ka tuig kag anum ka bulan nga pag obra sa ila.
Nagpangayo man sang paghangop ang mga amo sang OFW kon ngaa wala gid sila makapakita o nakabisita sa ospital tungod suno sa ila masakit man kag daw indi nila mabaton nga makita ini nga kritikal sa ospital.
Samtang, hugot naman ang pagpati ni Ariel, Mister sang biktima nga wala naghikog ang iya misis. Sa pagpakigkita sini kay Consul General Antonio Morales sang Agosto 13, iya ginpangabay nga pa imbistigaran ang kamatayon sini tungod nagapati siya nga may ara foul play.
Sa pahayag ni Ariel, 2 ka abyan ang natigayon pa nga gintawgan sang iya asawa sang Hulyo 31 nga may death threats sa iya kabuhi apang wala man nagsugid kon sin o ang nagapahog sa iya. Wala naman ini naka report sa police o sa konsulado.
Dugang pa sang mister wala gid sang may ginsugid nga problema ang misis sa iya. Nagbakasyon pa gani sa Antique ang misis sang Hunyo 25 kag nagselebrar pa sila sang ika siyam katuig nga wedding anniversary sang Hunyo 26.
Dugang diri, empty na ang data sa cellphone sang biktima base sa pahayag sang employer ukon gin reformat na ini apang wala man sang nabaton ang mga police. Missing man ang maleta kon sa diin didto naka tago ang importante nga mga papeles sang biktima pareho sang iya working contract.
Police had indicated they found nothing suspicious, and were only investigating the reason for her suicide.
Matapos maestorya ang himata sang pinay, ginpahayag ni Morales nga kinahanglan mag patigayon o mag conduct sang seminars ang konsulado para sa mga OFWs sa Hong Kong agud mapa sangkad ang ihibalo sa mental health. Dugang pa ni Morales nga may yara mga emplyedo ang konsulado nga magabulig sa mga OFWs kon paano maka cope sa stress kag para man malikawan ang pareho sini nga trahedya.
Suno sa Consul General, gilayon nga magtawag sa konsulado ang sin o man nga nagakinahanglan sang bulig kon naga suprer sang depression o mentally troubled.
“We have counselors who can give them advice if they have problems,” pahayag ni Morales.
Pareho man nga advice ang ginhatag ni Consul Paulo Saret, head sang Assistance To Nationals section . Dugang pa ni Saret, dapat makig estorya ang OFW sa relatives o kaabyanan kon may yara problema agud maghagan hagan ang kabug-at nga nabatyagan.
