Tatlo ka bulan matapos nasunog ang ginasakyan nga container ship nga Maersk Honam nanday Engine cadet Janrey Genovatin sa Arabian Sea, nakapauli na gid man sa Iloilo ang bangkay sini.
Suno sa tatay ni Janrey nga si Rey, nahibaluan nila sa imbestigasyon nga ginsabak sa fire fighting ang ila anak bisan wala sang sapat nga training tungod isa palang siya ka kadete.
Magluwas kay Janrey, isa pa gid ka engine cadet sang Maersk nga ginkilala kay John Rey Begaso ang asta subong wala pa nakit an.
Nagapati ang iloy nga si Laila Begaso, nga ginatago sang kumpanya ang iya anak tungod saksi ini sa natabo nga sunog sa barko.
Missing pa si Begaso matapos wala nag match ang DNA result sang iya iloy kag sang bangkay nga nakit an sa barko.
Padayon nga naga panawagan sang hustisya ang pamilya nanday Begaso kag Genovatin. Suno sa ila , wala na sila sang sarig sa Maersk Line tungod madamu sang inconsistencies sa ila nga imbestigasyon.
Samtang , nakahaya sa ila balay sa Oton, Iloilo ang bangkay ni Janrey.
