ILOILO – Naimpito si Efren Descotido Sr. bangud sa istorya nga nabatian rason iya ginpamuno ang mag-iloy sa Brgy. Tiwi, Barotac Nuevo, Iloilo alas 6:00 sang gab-I, Miyerkules, Hulyo 19.
Base sa pagpangusisa sang Barotac Nuevo PNP sa pagpanguna ni PC/Insp Raymond Celoso sa suspek, ginsaysay sini nga antes niya nahimo ang krimen, nakabati siya sang istorya gikan sa mga biktima nga nagtulod sa iya nga kadtuan ang mga ini sa ila puluy-an agod kumprontahon.
Ginpahayag ni Descotido nga nagasobra ang hambalanon ni Lilibeth kag gintuyo pa siya nga lampusan sang bangko sang 13 anyos nga anak sini nga si alias John-John rason nga iya na lang ini ginbuno.
Ginlagas pa niya si Lilibeth nga nagpalagyo kag ginbuno pati man ang 81 anyos nga iloy ni Lilibeth nga si Nelly sang iya makita nga naghana ini nga lampusan siya sang bangko.
Sa karon balik presuhan si Efren Descotido Sr. matapos lunsay patay ang mag-iloy nga si Lilibeth kag Nelly paagi sa pagbuno samtang nagapabilin nga kritikal ang kahimtangan sang anak ni Lilibeth nga si alyas john-john.
Tags: Visayas, Iloilo, RMN, RMN Iloilo, DYRI774, Kasamang Magie
