IRAQ – Pagkaon ang ginhalinan sa pagsumbaganay sang duha (2) ka piloto samtang ginapalupad ang eroplano sa international flight sang Iraqi Airways.
Nag-umpisa ang pagbanggianay sang duha ka piloto sa flight padulong sa Baghdad, Iraq halin sa Mashhad, Iran sang ginpunggan sang isa ka piloto ang cabin crew nga magdala sang pagkaon sa iya co-pilot bangod wala kuno ini sang permiso halin sa iya.
Sang natapos na kaon ang piloto, ginsakit kag gin-insulto sini ang iya nga co-pilot gani nagpatungan na ang isa ka security agent.
Ini base sa sulat sang secretary sang co-pilot nga ginpadala sa airline company.
Sa pihak sang ila inaway, safe naman ang 150 ka pasahero sang flight.
Subong man, wala pa natapos sa eroplano ang ila away.
Liwat sila nga nagsumbaganay sang liwat nga gin-insulto sang piloto ang iya co-pilot.
Pareho nga suspendido ang duha samtang padayon pa ang imbestigasyon sang transport ministry suno sa Iraqi airlines.
Posible nga magapangatubang ang duha sang nagakaigo nga penalidad lakip na ang lifetime flying ban.
Photo from web
