MAMBUSAO, Capiz – 2 ang patay matapos ginbuno sang lalaki nga ginapahayag nagpangimon sa iya menor de edad nga girlfriend.
Ang suspek ginkilala kay Rogelio Salaya, 36 anyos kag may nobya nga si Alias Inday, 15 anyos.
Natabo ang insidente sang Noviembre 18 sang gab-i sa Mambusao Capiz sa diin ginapatihan nagpangimon sa Salaya sa pagpati nga may ginatext nga iban ang iya girlfriend.
Ginpangayo ni Salaya nga i-turn-over sang menor de edad nga girlfriend ang sim card sa iya apang nagpamalibad ang dalagita.
Bangod sini, ginbuno ni Salaya ang iya nobya lakip na ang utod sini nga 17 anyos nga babaye.
Nakita naman sang bystander nga si Nildo Llabore sang Poblacion, Mambusao Capiz ang natabo gani nagtambag ini apang ginbuno man sang suspek.
Ginhingagaw dala sa ospital si Alias Inday upod ang iya 17 anyos nga utod lakip na si Llabore nga nagtambag lang kuntani sa insidente.
Patay ang 17 anyos nga dalagita lakip na si Llabore samtang nagfapabilin naman sa intensive care unit (ICU) sang hospital si Alias Inday.
