Bangud arogante, tricycle driver ginreklamo

18

“Pasensyaha ako ninyo ne ay medyo mainit ang ueo ag uwa ko habatian it mayad do paghambae ninyo kon siin kamo manaog” raya ro ginpahayag it driver ko tricycle nga may body # R4 1184 ag nakilaea kay Oscar Peralta it Brgy. Andagao, Kalibo, Aklan.

Si Peralta hay gin reklamo it lima ka mga highschool students matapos nga singgitan ra nana.

Kung matandaan nga kainang agahon hay naha interview it RMN Kalibo ro mga estudyante ag base sa andang pahayag halin sanda sa Andagao sa andang eskwelahan tag parahan sanda ko nasambit nga tricycle ag ginpasakay.

Sa andang pagsakay ginhambae nanda sa driver nga sa may Mang Tinapay sanda manaog sa Toting Reyes St., partikular sa parkingan it Linabuan Norte ag Tinigao ag nagpahuo man ro driver.

Ugaling ro natabo hay sa Mang Tinapay nga sa may Toting Reyes St. corner Roxas Avenue sanda pinanaog rason nga naghambae ro mga unga nga sa pihak ta sanda manaog kung sa siin ginkaakig it driver ag suminggit it ” Shiiit uwa eagi kamo maghambae” nga ginkahadlok man ko mga unga.

Kaina sa pagkita nanda sa Kalibo PNP ginpasensya imaw ko mga unga pero sa gihapon gintikitan imaw sa anang pagka arogante.

Kabay raya hay maging leksyon eon sa iba pang mga abusadong driver ag nadadaeahig sa ibang mayad mat a nga mga driver.

Facebook Comments