Bangud Chinamade ang bakuna (Sinovac), pila ka mga healthcare workers sang Riverside Medical Center ang nag-atras sa pagpabakuna

18

Pito ka mga Doctor kag Healthcare workers sang Riverside Medical Center Inc. ang ginbakunahan sa ginpatigayon nga ceremonial vaccination kaina sang aga sa nasambit nga ospital.

Suno kay Dr. Jose Pepito Malapitan, Acting Assistant Medical Director sang Riverside Medical Center, may kapin sa 1,400 ka mga healthcare workers ang Riverside Medical Center kag masubra sa 900 ang una nag-signify nga magpabakuna suno sa ila nga survey, apang bangud China made ang bakuna (Sinovac) may pila ka mga personnel ang nag-atras rasun nga yara lang sa kapin 600 ang sa karon nag-signify nga magpabakuna sang Sinovac vaccine.


Apang ginpaseguro ni Malapitan nga safe ang bakuna nga Sinovac kag nagalaom nga madamo pa ang ma-inganyo para magpabakuna.

Samtang, siyam ka mga doktor kag staff sang Corazon Locsin Montelibano Memorial Regional Hospital ang nakigbahin sa ceremonial vaccination.

Ini ang ginalakipan nanday Dr. Franklin Tumaning; Dr. Joane Terada;Antonio Monfort, Admistrative Officer ; Mary Beth Marcial; John Michael Gabriel Saragoza, Public Information Officer; Dr. Harry Carial, chairman sang Department of Internal MedicineDr. Ailen Ayalin, chairman sang Family and Community Depaertment; Dr. Karina Trayco, Infectious Disease Specialist kag Dr. Rhea Tabujara, isa ka Pulmonologist.

Kapin sa 1,600 doses sang Sinovac ang ginpain para sa Regional hospital. Kapin sa 800 doses naman ang ginpain para sa Riverside Medical Center, target sini nga matapos ang rollout sa Marso 12 kag mabakunahan ang 600 ka medical workers.



Ang Sinovac vaccine nga ginhatag sa duha ka mga hospital ang kabahin sang 6,000 doses nga ginpain naman sang Department of Health para sa ciudad sang Bacolod.


Nagligad nga semana ginpatigayon sa Bacolod Government Center ang historic nga vaccination program nga amo man ang pinakauna sa Western Visayas sa diin lima ka mga doktor kag isa ka nurse ang una nga natublukan sang Sinovac vaccine nga gin-donate sang pungsod China.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments