KALIBO, AKLAN — Nakaangkon it tama it pag-eabo sa sari-sari nga parte it eawas rong sangka hilong matapos nga haeab-an kabii sa barangay Lumaynay, Altavas, Aklan.
Nakilaea ro biktima kay Dione Andrade, 56-anyos samtang rong suspek nakilaea mat a kay Julie Sarmiento, 48-anyos tanan residente man it nasambit nga lugar.
Suno sa report nga kabii rayang biktima hay hilong ag nag maoy, nagsininggit nga naka disturb sa mga nagapahuway nga kaeapit. Raya mat-a nga suspek hay hamueaw-mueawan pero ana anay gin ingaan nga indi eon magsinangag ugaling imbes mamati linampusan it biktima ro suspek.
Ag dikara eon na impito ro suspek rason nga haeab-an nana rong biktima.
Gindaea sa Altavas District Hospital rong biktima ag iga refer kunda sa hospital iya sa Kalibo ugaling hay uwa ra magsugot ag gusto na hay idto eon lang magpabilin.
Samtang rong suspek hay naaresto man eagi it mga taga Altavas PNP.
