Bangud sa allowance, gumankon linabo it tiyo

Makato, Aklan — Nakaangkon it tama it pag-eabo sa waea nga siko rong gumankon matapos linabo it anang tiyo kabii sa Brgy. Baybay, Makato Aklan.
Ro biktima nakilaea kay Daniel Macato, 20-anyos tubong Metro Manila ag temporary nga naga dayon sa anang tiya, samtang rong suspek hay si Marvin Macato, 45-anyos, tiyo it biktima ag tanan residente it nasambit nga barangay.
Suno kay PO2 Patani it Makato MPS nga nakabtaon sanda it tawag nga may una ngani nga insidente it pag pang-eabo ag insigida gin respondehan nanda.
Sa imbestigasyon nga kabii hay naga inuman ro mag tiyo ag ko ulihi may nagpatunga nga mainitang diskusyon sa daywa bangud sa allowance nga ginapadaea ko igmanghod it suspek ag tiya it biktima halin sa America ag ko ulihi natabo ro pagpang-eabo.
Insigida mat-a nga nag surrender sa Makato PNP rong suspek ag makaron hay detained sa lock up cell para sa nagakaigong disposisyon.