Jamindan, Capiz – Pilason ang duha ka mga babaye matapos nga masalabat sang bala sang armasluthang sa Barangay Sa. Rosario sa banwa sang Jamindan. Ginkilala ang mga biktima nga sanday Milagros Casabon, 70- anyos kag Rosemarie Gardose, 35-anyos kag lunsay mga residente sang nasambit nga barangay. Nagaguha sa imbestigasyon sang Jamindan PNP, nagtambag gid lamang ang amo nga mga biktima bangud sa away sa manok nga ginapahayag nagtuka sa uyapad. Nagluntad ang komprontasyon sa tunga sang suspek nga si Alden Gardose, 40-anyos kag pakaisa sini nga nagresulta sang pagtaya ni Alden Gardose sang dala nga homemade 12-gauge shotgun. Gulpi lamang nga naglupok ang amo nga pusil rason sang pagkaigo sa guya ni Casabon. Pilason naman si Rosemarie Gardose sa iya natuo nga butkon kag abaga. Padayon pa nga ginabulong sa isa ka ospital sa syudad sang Roxas ang duha ka mga biktima.
