Roxas City, Capiz – Nag-angkon sang kapilasan sa kamut ang mag-utod matapos ang mga ini ang ginpanglabo sang kaupdanan sa pagtanum sang talong sa Sitio Takilid barangay Baybay Roxas City. Ang mga biktima ang ginkilala kanday Marvin, 37-anyos kag Glenn Antion, 34- anyos ang pang-edaron, lunsay residente sang nasambitan nga lugar. Suno sa insiyal nga imbestigasyon sang kapulisan sa Roxas City PNP, nagluntad ang pagsabtanay sa tunga sang mga biktima kag suspek nga ginkilala kay Edmund Onse nga tumandok sang Barangay Santa Cruz, Ivisan, Capiz. Hinali sini nga ginpanglabo ang mga biktima kabangdanan sang pag-angkon sang kapilasan sa tagsa nila ka mga kamut. Ginapahayag nga ginhalinan sang insidente amu ang indi parehas nga tung-anay sang kita sa pagbaligya sang talong. Nahibaluan dugang nga antes sini, nagreklamo naman ang mga biktima nga ginakawat ang bunga sang tanum nga talong.
