Bangud sa community quarantine, qualifying examination para sa scholarship program sang provincial government, pagadal-on sa kada munisipyo!

Roxas City, Capiz – Bangud sa nagapadayon nga community quarantine, pagadal-on sang scholarship committee sang provincial government ang qualifying examination sa kada munisipyo.
Suno pa kay Scholarship Coordinator Mr. Rovil Villasoto, iga-anunsyar nila sa indi madugay ang schedule sang qualifying examination nga posible sa ikaduha nga semana sang bulan sang Hulyo igapatigayon.

Ginpunto man sini nga ang pagdala sang qualifying examination sa mga banwa ang nakabasi man sa slogan ni Capiz Governor Nonoy Evan Contreras nga pagdala sang gobyerno sa tawo.

Samtang ginkumpirmar ni Villasoto nga naglab-ot sa P20, 000, 000 pesos ang budget sang provincial government para sa scholarship programs para sa subong nga fiscal year 2020.


Sa subong yara sila sa verification process sang mga application nga naglab-ot tanan sa 3,449.

Kon mahibaluan kapin sa 1,124 ka mga slots may yara ang apat tanan ka mga scholarships sang probinsiya kon sa diin tagsa ka banwa ukon munisipyo ang may yara sang alokasyon na nga numero sang mga iskolar base man sa scholarship ordinance.

photo(c)- Capiz Kabalaka Information Center

Facebook Comments