BANGUD SA DAAN NGA HILIGUT-ANON? | Construction worker, patay matapos ginbuno sang kaupod sa trabaho; suspek nagpalagyo

495

Tapaz, Capiz – Patay ang construction worker matapos bun-on sang kaupod sini sa trabaho sa Poblacion Tapaz, Capiz 9:30 ang takna kagab-i. Ginkilala napatay sa kay si Jade Cervas y Cortel 28-anyos sang Barangay San Roque, sang nasambit nga banwa. Pilason man ang kaupdanan sini nga si Elvin Jimenez y Parle, 35 anyos sang Barangay Minan, Tapaz.
Basi sa inisyal nga imbestigasyon sang mga kapulisan, magkaupod nga nag-inum ang ang mga biktima kag ang suspek nga si Ariel Olog y Ayuman, 21-anyos sang Barangay Roxas, Tapaz, Capiz sa isa ka KTV bar. Pagkatapos sang inum, nagpauli ang tatlo sakay sa motorsiklo nga ginamaneho ni Cervas. Ginpapundo sang driver ang motorsiklo sang maghambal si Olog sa pagpangihi apang hinali nga naggabot sang kutsilyo ang suspek nga si Olog kag ginbuno sa tiyan kag dughan si Cervas. Wala makuntento ang suspek, ginbuno pa gid sini si Jimenez apang nasagang sang iya kamot ang kutsilyo.
Dead on arrival na sang gindala sa Tapaz District Hospital si Cervas samtang madasig naman nga nagpalagyo si Olog matapos ang pagpangbuno. Daan nga hiligut-anon sa tunga sang suspek kag biktima ang ginalantaw nga motibo sa krimen.

Facebook Comments