KALIBO, AKLAN — Nagnubo makaron rong numero it mga ayam nga ginbakunahan it rabies vaccine. Raya rong ginpahayag ni Dra. Ma. Syrosa Leen Mabel C. Seniel, Provincial Veterinarian it Aklan.
Suno kay Dra. Seniel raya hay bangud man sa late nga pag-abot ko mga vials nga dapat Enero pa ugaling Mayo eon daya nag-abot.
Base sa andang record halin Enero hasta Hunyo makaron nga dag-on may una eamang nga 5,000 sa kabilugan nga 63,000 it dog population sa bilog nga Aklan rong nahabakunahan ukon 9 porsyento.
Dugang pa gid nana nga makaron nga tyempo eon it tinguean hay pagapundohon anay ro vaccination bangud nga naga masakit ro mga ayam kon tinguean bakunahan.
Nasayuran nga may 5,000 vials rong nag-abot ko buean it Mayo nga kinahangean magamit bago pa raya mag expire sa Oktubre 2018.
Ro mga ayam nga pwede mabakunahan ay naga edad 3 months pataas.
Magapatigayon man sanda it campaign sa mga municipal mayors para ipahisayod raya sa mga kabanwahunan ag mataw-an it priority ro mass vaccination.
