Bangud sa diskusyon, eaeaki linabo

12

Kalibo, Aklan – Lastro sa ueo ag ubos it tuo nga dueonggan rong naangkon it sangka eaeaki matapos nga maeab-an kabii sa Sitio Kawatihan, Pook, Kalibo.
Nakilaea rong biktima kay James Perucho, 46-anyos ag residente it Sitio Centro samtang rong suspek nakilaea na kay Juan Ambit, sa legal nga edad ag residente it Sitio Kawatihan sa nasambit nga barangay.
Suno sa biktima nga kabii hay nag-adto imaw sa baeay ko anang manghod para kunta nga mag inum-inum ag rayang suspek hay nagbisita man sa anang igmanghod sa lugar ag ko ulihi umadto man raya sa biktima.
Ko ulihi may nagpatunga nga mainitang diskusyon sa daywa ag tag imaw ra nag-eaong nga mauli, uwa nana mapan-uhi nga may sanduko rong suspek ag imaw linabo.
Insigida ra imaw gindaea sa hospital samtang rong suspek hay nagapabilin nga at-large.
Padayon pa rong imbestigasyon makaron it Kalibo PNP.

Facebook Comments

From Advertisers