Bangud sa handum nga magbahoe rong dughan, agi patay matapos nga magpaturok

32

Kalibo, Aklan – Bangud sa hamdum nga magbahoe rong dughan, patay rong sangka agi matapos nga magpatrurok it pangpabahoe sa sangka agi man sa isla it Boracay.
Ro biktima nakilaea kay Aldwin Esperanzilla, 31-anyos, native it Palawan ag temporaryo nga naga istar sa Brgy. Balabag, Boracay.
Samtang rong suspek nakilaea kay Dave Nacar alyas “Marga” sa legal nga edad ag uwa pa masayuri kung taga siin.
Sa report it Boracay Tourist Assistance Center nga kahapon rayang biktima hay gindaea sa Ciriaco Tirol Hospital nga uwat malay, nagabuea ag nagapanggaob nga gindaea man it suspek.
Tag imaw ra maumpawan hay nakasugid raya nga imaw hay ginturokan sa dughan ni alyas Marga it collagen.
Bangud nga naobserbahan it mga staff kung Ciriaco Tirol Hospital nga indi nanda kaya gin refer daya sa Aklan Provincial Hospital. Naghalin sa isla mga 5 it hapon ag naabot iya sa Kalibo mga 6:42 it gabii.
Insigida nga ginsueod sa trauma room ag pag abot it mga tatlong minutes imaw ra ginbawian it hueam nga kabuhi.
Samtang, rayang si alyas Marga hay nagapabilin nga at-large.

Facebook Comments

From Advertisers