Mambusao, Capiz – Patay ang 26-anyos nga kusinero sang isa ka restaurant nga nahamtang sa Barangay Bunga, Mambusao matapos ini ang nabun-an pasado alas 10 sang gab-i.
Ang biktima ang ginkilala kay Ezequil Bacus 26, residente sang Barangay Esperanza, Jamindan, Capiz kun sa diin ini ang nag-angkon sang nagkatuhay nga mga kapilasan sa lawas.
Ang ginatudlo suspek sa krimen ang ginkilala kay Juvy Barquella y Leal, 39-anyos sang Barangay Bunga, Mambusao, Capiz.
Suno sa inisyal nga imbestigasyon sang kapulisan, nagluntad ang masingki nga pagsabtanay sa tunga sang duha kun sa diin nagtapungulay pa ang mga ini antes nga nakakuha sang kutsilyo ang suspek kag ginbuno ang biktima sa nagkatuhay nga parte sang kalawasan.
Gindala pa sa Mambusao District Hospital ang biktima apang ini ang gindeklarar sang doktor nga dead-on-arrival.
Narekober naman sang mga otoridad ang kutsilyo nga gingamit sa krimen samtang nagapadayon pa ang tul-id nga imbestigasyon.
