Iloilo – Tuman ang paghinulsol sa karon ang isa ka 47 anyos nga amay matapos ginpilit sini nga ipahikap ang iya kinatawo sa 12 anyos nga bata nga babaye.
Sa pahayag sang suspek sa RMN, nga sadtong Sabado, Enero 27, sang ginkua niya ang iya bata sa iya iloy sa Guimaras para ilagaw sa Dinagyang.
Manug tungang gab-i na sang natabo ang insidente sang ginpilit niya nga pauyatan ang iya kinatawo sa kaugalingon nga anak.
Dugang pa sang suspek nga halin las nuebe sa aga asta mag gab-i ang ila inom samtang naga-construct sang building rason nga sa tuman sini nga kahubog, wala na siya sang ihibalo sa iya ginhimo.
Nag-apelar naman ang suspek sa iya nahimo pero wala ini ginaton kag napasakaan na sang kaso nga paglapas sa Republic Act 7610 ukon ang Special Protection of Children Against Child Abuse, Exploitation and Discrimination Act.
Yara naman sa kustodiya sang Department of Social Welfare and Development ang bata.
Photo and story by RMN Iloilo
