Bangud sa listahan 12-anyos nga binatilyo, binuno it anang amo

Kalibo, Aklan – Padayon makaron nga gina obserbahan sa Aklan Provincial Hospital ro sangka 12-anyos nga binatilyo matapos bun-on ko anang amo kabii sa Brgy. Dumga, Makato, Aklan.
Ro biktima nakilaea kay alyas Richard ag nakaangkon it tama sa likod, samtang rong suspek nakilaea kay Christian Tubao, 38-anyos ag parehong residente it nasambit nga barangay.
Ro natabo, ginkompronta it suspek ro biktima angot sa anang listahan it isda nga ginsinueatan it biktima.
Nakaangkon it mainitang diskusyon rong daywa hasta nga ko ulihi naubos eon ro pasensya it suspek ag bumuoe raya it siyaw. Pagkakita it biktima hay dali-dali raya nga dumaeagan pero nahaabot gihapon imaw it suspek.
Sa makaron hay naka oxygen rong bikitma bangud sa nagahapo tuga man ko pagbuno nga nahaabot ro anang baga.
Samtang sa paghinakop man eon it Makato PNP rong suspek para sa nagakaigo nga disposisyon.`

Facebook Comments