11 anyos nga bata nga si alyas Boy nga una gin pahayag nag hikog, may foul play ang kamatayon suno sa autopsy report.
Pursigido ang iloy ni alyas Boy, ang grade 6 pupil nga una ginreport nag hikog patay sa Cari Minor, Leganes, Iloilo sang tinalikdan nga semana nga mag file sang kaso kag hatagan sang hustisya ang kamatayon sang iya bata.
Suno sa kay ma’am Ma. Fe, ang iloy sang bata nga nag desisyon na sila nga indi nalang pag ipa autopsy ang ila bata nga si alyas Boy apang pag kagab-e nag pabatyag ang iya bata sa iya.
October 10 sang hapon nasapwan patay ang iya bata kag pagka myerkules sang kaagahon, nabugtawan ini sya sang mabatian ang tingog sang iya bata kag ginatawag sya nga mama.
Nagbangon ini sya kag nag kadto sa sala kun sa diin didto nasapwan nga naga kabit sa balayan ang iya bata.
“Ma picture out ko maam sa damgo ko nga ang bata ko ara sa unahan sang katre kun diin sya gin patay naga tindog, naga duko kag wala naga hulag pag katapos may lalaki ga tindog sa atubang naga hulag sa tadlong sang gin bitayan sang bata ko”
Pagka sunod nga gab-i, nadamguhan liwat ni Maam Ma. Fe ang iya bata nga naga pamukaw sa iya dis oras sang kaagahon kag ginatawag ang iya pangalan kabangdanan naga kadto sya liwat sa sala kun diin ginpatay ang iya bata kag ma kit-an ang amu sagihapon nga scenario sa iya damgo.
Pag ka aga nagdesisyon si Mam Fe nga padulungan ang iya bata sa punerarya kag didto nakita nya may nag turuhaw nga mga lagob sa kalawasan sang iya bata kag didto na sya nag desisyon nga ipaidalom ini sa autopsy.
Sa initial nga resulta sang autopsy report nga hungod nga gin patay ang bata kay lunsay bali ang ribs sang bata nga possibly gin lampusan sang matig a nga bagay.
Suno sa nanay nga ang iya bata kun may kontra naga panugid ini sa iya iloy.
Amu ni ang ginalantaw sang iloy nga rason kag nagduso sa iya nga ipa autopsy ang iya bata bangud ini ang naga pabatyag kag nagapangayo sang hustisya.
