Roxas City, Capiz – Nagnubo ang gross income sang mga negosyo sa syudad sang nakaligad nga tuig 2020 base sa rekord sang Business Permits and Licensing Office(BPLO).
Suno kay BPLO head Roselyn Estrebilla, ini ang posible epekto sang nabatyagan nga COVID-19 pandemic.
Makit-an man sa ila datos nga ang mga negosyo nga para sa mga essential needs ang padayon naman nga bukas samtang ang iban naman nga mga klase sang negosyo ang apektado kag nagsara pa gani ang iban.
Samtang nahibaluan nga sa subong masobra na sa 2, 700 ka mga negosyo sa Roxas City ang nakatigayon nga makaproseso sang renewal sang ila nga mga business permit.
Facebook Comments
