Preso karun sa lock up cell sang Mandurriao PNP si alyas Jane, 25 anyos kag residente sang Molo, Iloilo city matapos nangimon kag gin gan-it sa sulod sang Bar si alyas Angel, 22 anyos sang Negros Occidental kaina sang kaagahon.
Suno sa kay Jane nga wala nya mapunggan ang iya kaugalingon samtang naga pungko kag nagalantaw sa iya nobyo kag karun iya live in partner nga si Alyas Dodong nga naga dirty dance kag gina saot saotan ni alyas Angel sa sulod sang MO2 Bar nga sang sadto nga ti-on, naka suksok sang sleeveless nga bayo kag malip-ot nga shorts.
Tungod sa grabe nga selos, ginpalapitan ni Jane si Angel samtang naga habyog ang lawas sa manami nga musika kag gin gan-it sa buhok kabangdanan na out balance ini kag natumba sa dance floor.
Nag balos man sipa si Angel kag naigo sa paa si Jane.
Ini sila ang lunsay ginpangdala sa police station kag didto nagpangayo sang pasaylo si Jane sa kay Angel bangud suno sa iya, normal lang nga ini ang mag selos.
Apang wala ini sya ginpasaylo ni Angel kag gin pa preso gid.
Paathag ni Angel nga indi nya kilala ang nobyo ni Jane, kag indi nya ini pag pasensyahon bangud ini sya ang nahuy-an.
Preso karun si Jane sa Mandurriao PNP kag nag pahayag bulagan nya nalang ang iya nobyo nga si alyas Dodong nga iya ka live in sa masubra 4 ka tuig.
Si dodong nga nobyo ni jane ang nag alimunaw kag nag salipotpot palagyo matapos ang insidente kag iya gin pabay an ang nobya nga si Jane nga karun preso sa Police station.
