Tapaz, Capiz – Patay ang 57-anyos nga lalaki sa Brgy. Carida, Tapaz, Capiz matapos ini ang ginluthang kag ginlabo sang mismo ihado bangud gid lamang sa gin-utang nga softdrinks mga alas 9 sang gab-e.
Ginkilala ang biktima kay Ruben Lorca y Malones nga nag-angkon sang patal nga pilas sa tinae tuga sang luthang sang 12-gauge shot gun kag labo sa iya ulo.
Ginatudlo nga suspek amu ang mismo ihado sini nga ginkilala kay Escolin Glimer Jr. y Katipunan, 48-anyos.
Base sa inisyal nga imbestigasyon sang Tapaz PNP, ginhaboy sang bato sang suspek ang poluy-an sang biktima matapos ini ang ginpabati-batian kag ginsilingan sang indi maaayo nga mga tinaga sang nag-utang sang softdrinks.
Nagguha ang biktima kag una nga ginbuno ang suspek sa tuo nga hawak. Apang ini ang nakabalos sa pagluthang kag paglabo sa 57-anyos nga biktima kabangdanan sang gilayon sini nga kamatayon.
Natigayon nga marekober sang mga kapulisan ang 24-pulgadas nga kahabaon sang sanduko nga gingamit sa krimen samtang nadakpan man ang suspek.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
