Dumalag, Capiz- Pilason ang isa ka barangay tanod makaligad nga ini ang ginlabo sang mismo pakaisa sini alas 10:30 sa Sitio Katagbakan, Brgy. Concepcion, Dumalag.
Ginkilala ang biktima kay Danilo Fabraquel y Onato, 31-anyos nga nag-angkon sang pilas sa iya tangkugo.
Nagaguha sa inisyal nga imbestigasyon sang mga kapulisan nga naga-inom ang biktima sa poluy-an ni Ruperto Fabicon.
Nag-abot ang suspek nga si Ronel Batilo y Fabraquel, 40-anyos sang nasambitan lugar sa poluy-an nga gina-imnan sang pakaisa. Ini ang gin-agda nga magtagay apang sa baylo sini, nagreklamo pa ang suspek nga wala sang sumsoman rason nga ginkaakig naman ni Fabicon nga ginsundan sang pagsumbag sa suspek.
Matapos nga gintambagan, gindul-ong na lamang sang biktima nga si Danilo Fabraquel ang pakaisa, apang sang ang mga ini ang malayo na, ginkakibot na lamang sang biktima nga ini ang ginlabo sa tangkugo sang suspek.
Gindala ini sa Dao District Hospital apang ginpakamaayo nga i-refer sa isa ka ospital sa siyudad sang Roxas.
Sa subong padayon pa nga atlarge ang suspek makaligad nga ini ang insigida nga nagpalagyo sang makomiter ang krimen.
Ang hinubog amo ang ginatudlo kabangdanan sang insidente.
