Bangud sa traffic, lalaki sa Germany mas ginpili nga maglangoy padulong sa trabaho adlaw-adlaw

Extra Wow Balita – Natak-an na si Benjamin David sang stress sa pagcommute kada adlaw sa gutok nga mga dalan sang syudad.

Bangud sini ginasulod niya sa water proof nga bag ang iya laptop, suits kag sapatos kag languyon ang duha ka kilometro nga kalayuon paagi sa suba padulong sa trabaho.

Nagadepende man sa season ang iya gamit nga swimming gear.

Ginakadlawan sya sang mga makakita sa iya ginahimo apang siling ni David mas madasig ang iya byahe kag nagahatag pa sang relaxation sa iya lawas sang sa magpungko sa salakyan nga magpanagil-ot sa traffic.

Bangud sang estilo ni David, nakakuha ini sang attention sang international cable news nga BBC.