Bangud sa tuman nga kahulugbon, chief tanod, naglampos ang ulo sa semento, patay

27

Patay ang chief tanod sang Barangay Sirallo, Anilao matapos naglampos sa semento ang iya ulo bangud sa tuman nga kahulugbon.

Ginkilala ang biktima nga si Ernesto Aquiño, 52 anyos .


Suno kay Pol. Lt. Glen Potones sang Anilao Municipal Police Station, nagselebrar sang iya kaadlawan ang bikitma kag nag-umpisa inom sang makahulubog nga ilimnon alas 11:00 sa aga dangat maggab-i.

Bangud sa kahulugbon, indi na ini makatindog sa iya ginapungkuan kabangdanan naghamboy sa lamesa para magtulog.

Santu sa imbestigasyon, nadulaan sang balanse ang biktima kag naglampos sa semento ang iya ulo nga gintunaan sang iya kamatayon.

Facebook Comments