BANGUD WALA PANGBAKAL SANG TICKET | Isa ka 47-anyos nga basurero, naglangoy halin sa Cebu pa-Bohol agud lamang nga makasindi sang kandila sa nagtaliwan sini nga himata!

1417

Cebu City- Bangud sa wala sang pamasahe kag luyag sini makasindi sang kandila subong nga Kalagkalag sa mga nagtaliwan nga himata sa Carmen, Bohol, nagdisider ang 47-anyos nga si Ceferino Angco nga languyon na lamang ang dagat halin Cebu patabok sa Bohol sang Sabado, Oktubre 27, alas onse sang gab-i.
Apang ini ang wala paman nakalab-ut sa destinasyon, nakit-an siya sang mga katapo sang local Bantay Dagat nga nagapautaw-utaw kag nagakupo sa styrofoam alas otso na sang aga sang Dominggo sa kadagatan nga sakop sang Talisay City.
Suno sa pagpangusisa sa amu nga persona, kapin sa siyam ka oras ang pagtener sini sa tunga sang lawod.
Nahibaloan nga nagabalor sang P250 tubtob P500 ang ticket sa fast craft kabangdanan namat-od ini nga languyon na lamang ang dagat nga nagakonektar sa Cebu kag Bohol para lang makabisita kag makasindi sang kandila sa nagtaliwan nga himata.

photo © Inquirer.net/Cebu Daily News

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments