Davao City – Walay plano ang lokal nga panggamhanan sa Davao nga i-lockdown o sirad-an ang Bankerohan Public Market, human usa ka tindera ang nagpositibo sa Coronavirus Disease 2019.
Matud ni Davao City Mayor Inday Sara Duterte-Carpio, naka-lockdown na ang balay sa nagpositibo nga tindera ug naa na kini karon sa COVID-19 center. Tungod niini gimandoan sa mayor ang barangay himoong matag-adlaw ang pag-disinfect sa palingke, tungod kay dili makahatag og proteksyon ang gloves kontra COVID-19.
“Magpahigayon gihapon ta sa pag implement sa atong distancing, sa atong mask, sa atong disinfection kada hapon,”
Giklaro usab sa mayor, walay luwas nga lugar sa pagkakaron ilabina ang bankerohan human adunay positive case.
“Dunay koy 1 (isa) ka government official nga nadunggan, nag-ingon siya it’s very safe in bankerohan. Gusto lang nako i-dispute no nga there is no safe area outside, even inside sa inyong balay, there is no safe area kung duna nay positive dinha sa inyuha. It is incorrect to say that safe ang Bankerohan,” sumala sa mayor.
RadyoMaN Aimee Guinita
