Davao City – Sirado tibuok adlaw karong adlawa (April 30), ang Bankerohan Public Market sa Davao tungod sa himoong pagpanghinlo sa tibuok palengke aron dili na makatakud ang balatiang makamatay (COVID-19) sa dihang usa ka tindera ang natakbuyan sa maong sakit.
Sa interview sa DXDC RMN Davao, gibutyag ni Barangay 5-A, Brgy.Capt. Edgar Ibuyan Sr., karong adlawa himuon ang disinfection subay usab sa mando ni Davao City Mayor ‘Inday’ Sara Duterte.
Matud ni Kapitan Ibuyan, gipailawom na usab sa home quarantine ang tibuok pamilya sa tinderang gitohoang nataptan sa virus. Gipasabot sa kapitan, walay lockdown nga gipatuman sa bisan asang purok sa iyang barangay apil na ang nahimutangan sa palengke.
Awhag na lamang niya sa katawhan , tumanon ang tanang mga guidelines sa higayong mosulod sa merkado aron COVID-19 malikayan.
RadyoMaN Bernard Pantallon
