Davao City – Kalipay ang gibati karon sa amahan sa Barangay human negatibo sa COVID-19 ang mga miyembro sa pamilya sa usa ka tindera sa Bankerohan Public Market, human gipa-ilawom sa swab test.
Kini maoy giluwatang pamahayag ni Barangay 5-A Kapitan Edgar Ibuyan Sr., human nahinabi sa DXDC RMN Davao.
Matud ni Kapitan Ibuyan, negatibo na sa COVID-19 ang iyang bana, duha ka anak, usa ka apo, ingon man ang nag-assist nga driver ug Barangay Health Worker (BHW).
“Kadtong iyang Mama no mao toy na PUI then karon naa na sa ward ug patapos nato ang iyang quarantine ug kadtong iyang pamilya pod iyang bana, duha ka anak ug isa ka apo na negative na pod,apil ang drayber sa barangay ug barangay health worker nga gi swab pod to, negative na sila tanan. So happy kaayo ko nga ing-ato ang result.” saysay ni Kapitan Ibuyan.
Samtang gikomperma ni Kapitan Ibuyan, ang maong tindera nakarecover na ug padayon pang-giatiman sa Southern Philippines Medical Center (SPMC).
RadyoMan Don Pulayao
