Davao City – Negatibo sa COVID-19 ang kapin 50 ka mga vendors ug frontliners sa palengke sa Bankerohan, Barangay 5-A human gipa-ilawom ug Rapid Diagnostic Test (RDT)
Kini ang update ni Brgy.5-A Kapitan Edgar Ibuyan Sr. atol sa interview sa DXDC RMN Davao.
Matud ni Kapitan Ibuyan Sr., gawas sa pagpahigayon sa rapid test, dunay laing walo ug usa ka Locally Stranded Individuals (LSI) gikan sa Japan ang gi-swab test apan negatibo sa maong balatian.
Dugang pa nga aduna pay mga vendor nga wala pa ma-rapid test ug nag-request na usab ang Barangay sa Department of Health (DOH) alang sa ika-duhang hugna sa himuong rapid test sa mga mamaligyaay sa merkado sa Bankerohan, syudad sa Davao.
“Naa tay gipa swab test walo kabuok ok to sila noh. Naay gikan sa Japan atong gipa swab test pod negative siya ug kadtong 53 ka mga vendor ang gipa rapid test pod nato negative pod sila sa COVID-19,” segun ni Ibuyan.
RadyoMaN Don Pulayao
