Davao Del Sur – Kasong reckless imprudence resulting to homicide, ang atubangon sa driver nga responsible sa insidenting hit and run sa Mt. Apo Road, Brgy. Buenavista, Bansalan Davao del Sur niadtong adlaw’ng Biyernes (July 24, 2020) diin usa ka 12 anyos nga batang lalaki ang namatay.
Sa interbyu sa DXDC RMN Davao kang Police Major Peter Glenn Ipong, Acting Chief Bansalan Municipal Police Station (BMPS), gibutyag niini nga anaa na sa kapulisan ang driver ug adunay gihimong panagsabot tali sa driver, tag-iya sa sakyanan ug pamilya sa biktima.
“Ni-istorya na man ‘tong tag-iya. Ang kadtong iyang anak dili maoy nag drive. Kadtong mismong kauban (sa driver) maoy anak sa tag-iya. Reckless imprudence resulting to homicide (ang kaso) kay negligence man ang panghitabo, aksidente man,” saysay ni Ipong.
Sa imbestigasyon sa Bansalan PNP, mitabok sa karsada ang biktima sa dihang kalit kining nabanggaan sa usa ka SUV, apan daling misibat ang driver human sa insidente.
Nadala pa sa Southern Philippines Medical Center (SPMC) ang biktima apan gi-deklara na kining dead on arrival.
RadyoMaN Kirby Manzon
