Davao City – Gidasig sa Animal Welfare Group o Bantay Hayop ang publiko nga i-report dayon sa Animal Welfare Desks sa mga istasyon sa kapulisan ang mga pagpang-abuso sa mga hayop.
Sa interbyu sa DXDC RMN Davao kang Rovie Bullina, Bantay Hayop President, aron maaksyunan dayon ang krimeng ginahimo sa mga hayop inay magpabalin lang kining i-post sa social media.
“Let’s go to the legal part kasi dili ni siya maundang kung wala kay buhatong mas stronger action,” saysay ni Bullina.
Gipasalig sa grupo, mutabang sila kung gikinahanglan ang necropsy sa imbestigasyon ug sa pagpasaka og kaso ngadto sa mga responsable sa animal abuse.
Dungan usab sa panawagan sa tanang pet owners nga mamahimong responsable aron malikayang mahitabo ang mga insidente sa kadalanan tungod kay mismong ang mga nagpasagad nga tag-iya aduna puy tulubagon sa balaod.
RadyoMaN Aimee Guinita
Facebook Comments
