Usa sa mga nag-unag hinungdan sa kamatayon sa mga pinoy mao ang alta presyon o high blood pressure. Gibana-bana sa DOH nga dunay 200,000 ka mga pinoy ang gakamatay matag tuig sa nasud tungod ani nga sakit.
Usa sa upat ka mga pinoy ang wala masayod nga duna silay alta presyon. Kadaghanan niini mao ang kalit mabiktima sa mga complications sama sa heart attack, stroke, heart failure ug kidney failure.
Matud pa sa maong ahensya importante ang blood pressure screening aron masayran ang condisyon sa pasyente labi na tong nakasinate ug mga sintomas sa high blood.
Gi abisuhan sa DOH ang mga nagbaton niini nga balatian nga himoong regular ang pag ehersisyo, low fat , low salt, low sugar diet ug high fiber vegetables ang kaunon. Likayan usab ang pagpanigarilyo, pag-inom ug alak ug stress aron maubsan ang risgo sa high blood.
Gi-aghat usab ang mga pasyente nga regular nga pagpa check-up sa doctor o sa health center ug dili sipyaton ang pag tomar sa mga maintenance nga mga medisina.
