Bantay sa imnanan gipusil sa customer, patay

154

General Santos City—patay ang usa ka 47 anyos nga bantay sa usa ka imnanan sa Teretorio San Miguel nga nahimutang sa Prk. Stela Mariz, Barangay Tambler ning dakbayan human kining gipusil sa gikaingong costumer alas 5:00 ang takna sa buntag July 3, 2017.

Ang biktima nailhang si Ester Villaver , 47, residenti sa Prk. Estrella, Barangay Calumpang Gensan.

Sa inisyal nga imbistigasyon sa Tambler PNP sa pagpanguna ni Po2 Agui, Imbistigador nga subay sa mga testigong ilang nahinabi, nag lalis ang biktima ug ang suspek gumikan sa nawala nga Cellphone sa suspetsado.


Nanghimakak ang biktima nga siya maoy nikuha niini mao nga nasuko ang suspek iyang gipusil ang biktima usa ka higayon igo sa iyang agtang nga hinungdan sa iyang kamatayon.

Paspas nga misibat ang suspek gikan sa lugar samtang ang biktima wala na nadala pa sa ospital gumikan nakabsan gilayon kini sa iyang kinabuhi.

Samtang gibutyag usab ni Alias Bebeng nanag-iyag tindahan nga gitrabahuan sa biktima nga siya nakamata gumikan na usab sa lalis sa mga nahisgutan. Gipamugos sa suspek nga nag biktima maoy nag kuha sa iyang Cellphone.



Wala naniya nauwang ang mga nahisgutan tungod siya nagtuo nga magkasinabot ra ang mga nahisgutan apan pila ka segundos ang nakalabay kalit lang nga mibunlot ug pusil ang suspek dayon gipusil ang biktima sa agtang dayon sibat.
Gibutyag pa niini nga unang higayon niya nga nakit-an ang suspek ngadto sa lugar.

Nasayran nga duha palang ka bulan nga nag trabaho sa maong imnanan ang nahisgutan apan dugay na kining nagtrabaho sa Terotoryo San Miguel isip Waitress.


Sa karon ginasuta pa sa kapulisan kung ang nawagtang nga cellphone sa suspek maoy hinungdan sa pagpamusil sa biktima. Samtang padayon usab sa pagkalap ug ebidensya ang kapulisan aron nga matumbok ang suspek sa krimen.

Facebook Comments