Roxas City, Capiz – Wala direkta ginkumpirmar ni Capiz 2nd district Representative Fredinel Castro ang mga plano sini sa politika para sa 2022 national kag local elections.
Suno sa iya ang maathag sa subong amo nga ginasuportahan niya ang kandidatura sang iya tiayon nga si former Congresswoman Jane Castro nga magabulos sa iya nga magapapili sa pagka-kongresista sa segundo distrito.
Kadungan sini, iya nga ginkumpirmar nga ginapinalisar na ang mga kandidato halin sa alkalde paubos sa katapo sang sangguniang bayan sa napulo(10) tanan ka kabanwahanan sa segundo distrito.
Samtang kahapon nga adlaw, kaupod man nila ni former congresswoman Jane Castro sa distribusyon sang educational grant amu sanday Former Board Member Baden Cantiller, Former Board Member Gilbert Ardivilla, incumbent Borad Member Elmer Arevalo kag SB Member Cecilio Fecundo sang Dumalag.
Ang ini nga mga personalidad amu ang ginasigahom nga mangin manok sang iya linyada sa pagka-board member sa segundo distrito.
Samtang sang ginpamangkot si Congressman Fredenil Castro kun bala may interes ini sa pagpadalagan sa pagka-gobernador, nangin halangpon naman ang pahayag ni Castro nga bantayan ang masunod nga ‘kabanata’.
Mahibaluan nga nagatuhaw ang pangalan ni Castro sa mga ginapilian sang Partido Liberal sa iga-endorso sa pagka-gobernador.
Kaupod sini sanday former Roxas City Mayor Alana Celino kag incumbent Vice Governor James ‘Mitang’ Magbanua.
