Naga-aligmat na karon ang mga taga-northern iloilom ilabi na ang banwa sang Concepcion angut sa posible pagpanalasa sang bagyo Urduja.
Ginpahayag ni mayor Millard Villanueva nga iya na gin-alerto ang ila Municipal quick response team agud sa madasig nga pagresponder sa tion nga lubos na nga mag-landfall ang nasambit nga bagyo.
Nahibaluan nga amat-amat na nga nagabaskog ang ulan kag hangin sa banwa sang Concepcion kag mabatyagan naman ang pagbaskog sang mga balod.
Nalakip man ang Northern iloilo sa mga lugar nga yara karon sa storm signal number 1.
Madumduman nga malubha nga nahalitan ang banwa sang Concepcion kag bilog nga northern iloilo sang magpanalasa ang bagyo yolanda sang Nobyembre 8, 2013 kabangdanan nga nagabatyag sang kabalaka ang mga pumuluyo sa pagsulod sang bagyo urduja kag ginalantaw magadala sang malala nga kahalitan sa Eastern visayas.
