Banwa sang Jamindan, isa sa nakapasar sa 2019 Seal of Good Governance (SGLG) sang DILG!

716

Jamindan, Capiz – Ginabalik ni Jamindan Mayor Mac Arthur Valdemar ang kadungganan sa mga pomuluyo kasunod sang kadalag-an sang amo nga banwa bilang national awardee sang 2019 Seal of Good Governance (SGLG) sang DILG.
Suno diri nangin liyabi sang amo nga accomplishment ang mga ginapatuman nga programa sa iya banwa nga ginparesan sang kooperasyon sang mga pumuluyo sang banwa sang Jamindan.

Gindugang sini nga indi magnubo sa P3, 000, 000 pesos ang performance challenge fund nga ila pagabatunon halin sa DILG.


Kun mahibaloan ini ang labing una nga kahigayonan nga nakuha sang amo nga banwa ang nasambit nga award.

Ang Seal of Good Local Governance nga programa sang DILG ang isa lamang ka pagrekognisar sa maayo kag pagkatampad sang pagdumala sang pag-ginobyerno sang isa ka local government unit(LGU).

Kalakip sa gin-set nga criteria sang DILG sa idalom sang Memorandum Circular No. 2019- 44 amo ang Good Financial Administration; Disaster Preparedness; Social Protection; Peace and Order; Business Friendliness and Competitiveness; Environmental Protection; kag Tourism Culture and the Arts.

Facebook Comments

From Advertisers