Banwa sang President Roxas sa Capiz, ginpaidalom na sa State of Calamity bangud sa padayon nga pagsaka sang kaso sang Dengue!

402

President Roxas, Capiz- Ginkumpirmar sang alkalde sang banwa sang President Roxas nga si Mayor Receliste Escolin nga ginpaidalom na sa state of calamity ang nasambit nga banwa bangud sa padayon nga pagsaka sang numero sang dengue cases.


Ini matapos nga base sa rekord, naglab-ot sa kabug-osan nga 187 tanan ang mga kaso sang dengue sa amo nga munisipyo kun sa diin tatlo na ang ginbawian sang kabuhi.

Ginsiling ni Escolin nga tama lang ang ginhimo sang iya pamunoan agud nga sa mas temprano matapna na ang pagduging sang dengue sa iya banwa nga ginalauman mangin mas malala pa gid sa bulan sang Nobyembre.

Nahibaluan nga sa bilog nga probinsya sang Capiz, naglab-ot na sa 2,177 ang biktima sang kagat sang lamok kun sa diin 14 diri ang ginbawian sang kabuhi.

Ini ang base sa rekord sang Capiz Epidemiological Surveillance and Response Unit ukon CESRU.
photo(c)- Skyscrapercity

Facebook Comments