Nagpangibabaw ang banwa sang Tubungan sa 43 ka mga mga local government unit sa probinsya sang Iloilo sa “ 2018 Search for Outstanding on Ecological and Sustainable Solid Waste Management System” ukon ginatawag nga E+3S sang Provincial Environment and Natural Resources Office (PENRO).
Nakabaton ang banwa sang Tubungan sang P200,000 at yara sa ikaduha nga pwesto ang New Lucena nga nakabaton sang P150,000 kag Miag-ao yara sa ikatlo nga pwesto nga nakabaton sang P100,000.
Ang mga banwa sang Banate, Dueñas kag Zarraga ang nakabaton sang tag-P50,000 nga kalakip sa “top 6.”
Kapin sa 18 ka mga munisipalidad ang nagpasakop sa pa-contest sang PENRO.
GInpahayag ni PENRO Senior Environmental Management Specialist Mitzi Peñaflorida nga ang 18 ka mga munisipalidad ang una nga batch nga naka-paaprobar sang ila 10-year solid waste management plans.
Ini amo ang mga banwa sang Igbaras, Miag-ao, Tubungan, New Lucena, Pavia, Santa Barbara, Zarraga, Badiangan, Calinog, Janiuay, Lambunao, Pototan, Banate, Dingle, Dueñas, Batad, and San Rafael,kag ang siyudad sang Passi.
Sa barangay level nakuha sang Barangay Binon-an, Batad ang una nga pwesto nga may premyo nga P100,000; ang barangay Malagyan, Miag-ao ang yara sa ikaduha nga pwesto nga may P80,000 nga premyo kag ang San Florentino, San Rafael nga nakabaton sang P50,000.
