Sa interview sa DXDC RMN Davao kang Police Corporal Eugene Villanueva, imbestigador sa New Corella MPS, iyang giila ang biktima nga si Eddie Angway, 50 anyos ug residente sa Barangay Sonlon, New Corella, Davao del Norte.
Sa report, nagmaneho ang biktima sa iyang bao-bao padulong sa Tagum City sa dihang giatangan kini og duha ka suspetsado (riding in tandem) ug dito gipusil ang biktima nga naigo sa iyang ulo, kilid ug likod, hinungdan sa iyang kamatayon.
Sa imbestigasyon sa kapulisan, kanhi na nga napriso ang biktima sa Davao Prison and Penal Farm o kanhi Davao Penal Colony (DaPeCol) tungod sa droga. Nagbaton usab matud pa og hulga ang biktima una ang insidente.
“Ang istorya sa mga (tao) didto sa Barangay Sonlon sa among pag-imbestiga, na-involve sya (ang biktima) sa drugs ug kawat sa Tagum. Naay nisulti nga taga didto nga naa syay threat unya dili sa daw sya paulion sa ilahang barangay (pero) niuli man gihapon sya,” sulti sa imbestigador.
Sa pagkakaron, padayong pang gina-establisar sa kapulisan kung unsa ang motibo sa maong pagpamanhig.
RadyoMaN Kirby Manzon
