Nagpahinumdom ang Carmen Municipal Police Station (MPS) sa mga motorista ug drivers nga dili magpabadlong sa dalan ug dili magpakusog og dagan tungod aduna’y pipila ka kinabuhi ang mapagan kung ugaling aduna’y mahitabong disgrasya.
Kini human nga napilo ang usa ka Bao-bao kun Ombak human kini nabangaan og SUV sa dalang boundary Sto. Niño, Carmen ug Salvacion, Panabo, Davao del Norte.
Sa pakighinabi sa DXDC RMN Davao sa Carmen MPS, bandang alas 10 sa buntag niabot sa ilang buhatan nga aduna’y nahitabong disgrasya sa nasangpit nga area nga mao’y hinungdan sa pagkapilo sa maong Ombak ug pagbug-at sa dagan sa trapiko.
Hinuon, anaa na karon sa luwas nga kahimtang ang driver sa maong Bao-bao.
Facebook Comments
